【Emily】中資關愛隊組義工 包糉派長者

【明報專訊】今日端午節，中國太平保險等11間中資企業與地區關愛隊合作，組織逾百名義工包咗3000隻糉，然後派畀觀塘同荃灣嘅獨居長者等居民。煤氣公司亦與香港基督教服務處合辦包糉活動，由義工陪伴一眾未隨子女移民嘅留港長者包糉，等佢哋感受節日溫暖。

中國太平保險牽頭，與中糧香港、五礦香港、中鋼國際等多間國企前日舉辦關愛送糉活動，身兼中國太平保險（香港）總經理嘅立法會議員陳沛良、中國太平副總經理李可東等出席，前日與義工一齊包糉。之後佢哋聯同觀塘與荃灣11個小區嘅關愛隊向有需要街坊派糉。

煤氣公司日前則與香港基督教服務處一同搞包糉活動，邀請逾50名子女已移民、獨自留港嘅長者參加，與煤氣公司義工隊一齊包糉。有參加者認為平時獨自過節倍感寂寞，今年端午前夕可與義工同其他長者一齊度過特別開心。