【Emily】戴安全帽爬龍舟 健兒奪魯班盃

【明報專訊】建造業議會今年贊助沙田龍舟競賽嘅5場賽事，吸引咗34支建造業界同政府部門組織嘅龍舟隊參賽，其中香港建造業總工會嘅龍舟隊健兒戴埋黃色安全帽落場，最後摘下「建造業議會魯班盃」冠軍；另4場賽事包括 「建造業議會團體盃」同「建造業議會企業盃」，以及議會分別聯同協盛建築有限公司同偉金建築有限公司贊助嘅「建造業議會協盛關愛委員會盃」及「建造業議會偉金盃」。

唔少立法會議員同區議員噚日都有出席各區嘅龍舟競賽。而一向熱愛運動嘅民建聯鄭泳舜就去咗滑水，係佢嘅第一次，睇佢上載滑水片段，其間可以單手滑水，完全唔似初哥。教育界議員朱國強早前就出席「香港立蛋節2024慈善籌款活動啟動禮」，朱校長話民間有不少端午立蛋嘅傳說，其中有稱端午節中午陽氣最重，能將雞蛋立起，又有話由端午到夏至前後，太陽直射北半球，太陽引力與地心引力相當，兩力互拉即可讓蛋立起來。但佢話呢啲講法都無科學根據，其實只要透過科學技巧，將蛋同地面形成3個接觸點，就可以成功立蛋。