【Emily】發光蛋 藝術有理 吸130萬人次

【明報專訊】維港兩岸早排有藝術裝置展出，包括「teamLab：光漣」嘅「發光蛋」，康文署話，包括添馬公園和中西區海濱長廊中環段舉行嘅「發光蛋」和「藝術有理」展覽等，由5個藝術項目組成嘅「藝術@維港2024」已經喺上周六結束，「teamLab：光漣」和「藝術有理」展覽共錄得逾130萬人次參觀，署方話當中旅客約佔兩成。

至於3個喺尖沙嘴舉行嘅藝術項目，各錄得超過200萬人次參觀，分別為K11集團與佩斯畫廊合作嘅Alicja Kwade《世界的秩序（圖騰）》雕塑、信和集團與本地藝術組織HKWALLS合作呈獻嘅《流動光影》，以及領賢慈善基金與梵高文化遺產基金會合作籌劃，並由藝術盛事基金項目計劃資助嘅「梵高．樂印」。

康文署話，原本預計整個「藝術@維港2024」嘅觀賞人數有200萬人次，最終各項活動人數人數過預期，感謝市民支持。