【Emily】1947年出版《辭海》 洪雯家中有「寳」

【明報專訊】唔少人屋企都有舊書，立法會選委界別議員洪雯就收藏咗一本77年前出版嘅辭典《辭海》。佢話，喺冇互聯網嘅年代編撰一本收錄10多萬條目嘅辭典，歷時20年嘅浩瀚工程令佢深感敬佩，「那浩若星海的典籍、那孜孜以求的治學功夫，我只有由衷敬服」。

洪雯噚日喺facebook分享，家中收藏咗一本厚如磚頭、於民國36年（1947年）出版嘅《辭海》。Emily見雖然本《辭海》歷經多年，紙張已泛黃，但保存唔錯。

洪雯引述書中序言，「整理國故，吸取新知，最系統化的工作，就在編一部大類書；正名辨物，賞奇析疑，最具體化的工作，就在編一部大辭典。」

佢話慢慢翻閱《辭海》，對前人努力感慨萬千，仲話如果可以繼承「一星半點」編者嘅功夫，「就是人生福氣了」。