【Emily】旅發局Art Basel簽3年合作協議

【明報專訊】藝術盛事巴塞爾藝術展（Art Basel）3月喺香港嘅展會有聲有色，旅發局噚日宣布同Art Basel簽咗3年全球策略合作協議，涵蓋全球所有巴塞爾藝術展，成為第一間同Art Basel簽訂同類協議嘅旅遊推廣機構。根據合作協議，旅發局未來3年每年喺4場Art Basel全球展會，包括巴黎、邁亞密海灘、香港同巴塞爾展會，設置沉浸式體驗區。

旅發局總幹事程鼎一同Art Basel行政總裁Noah Horowitz近日喺瑞士簽署策略合作協議。程鼎一話，希望透過Art Basel呢個全球知名藝術平台舉辦一系列沉浸式體驗，展示香港獨有魅力，啟發更多旅客來港探索豐富多元嘅中西文化薈萃。

Noah Horowitz話呢次合作係想將香港特色喺國際舞台呈現，為展會訪客帶來更精彩體驗，加強香港同全球藝術界聯繫。