Emily Online ︳香港國際龍舟邀請賽第二日設「扮嘢大賽」　健兒粉墨登場參與 (14:58)

端午節喺上星期已經過咗，不過唔同的龍舟賽就仍然舉行緊。其中由香港旅遊發展局及中國香港龍舟總會合辦嘅「香港國際龍舟邀請賽」，噚日同今日（15至16日）喺尖東海濱舉行，今日嘅賽事項目包括「扮嘢大賽」，超過10隊隊伍參與。Emily都趁假期，去到現場觀賞賽事，見到現場的比賽隊伍打扮好有心思，好似有隊伍扮演遊戲角色「春麗」，亦有人打扮成經典小說《西遊記》入面嘅神話人物。雖然尖東持續天陰，間中細雨，好多市民同Emily一樣，仍然未減興致，更加冒雨觀賞賽事。

邀請賽的最後一日，由早上8時開始，去到傍晚6時，今日共有35項賽事，除咗「扮嘢大賽」，仲有多項決賽，例如粵港澳大灣區錦標賽、18區盃、慶祝中華人民共和國成立75周年紀念盃等。