佛山開騷預告跳唱逾100分鐘 草蜢籲歌迷練跑練氣做好準備

【明報專訊】《RE：GRASSHOPPER草蜢演唱會2024》將於8月17日假佛山國際體育文化演藝中心舉行，日前草蜢到佛山王府井的商場出席記者會，又到地鐵站為演唱會應援佈置簽名和打卡。歌迷代表送上草蜢過往演唱會造型的千塊砌圖賀偶像開騷，3子好感動，蔡一傑說：「將所有我哋嘅相片整成砌圖，一幅一幅整理同埋砌出嚟，真係唔簡單，好多回憶。」蔡一智說：「睇到歌迷拍嘅片段，明白點解要寫《Framily》呢首歌，喺每個城市都有好多鐵粉，支持我哋幾十年，係無條年嘅愛，好感動。」草蜢宣傳演唱會期間收到很多歌迷點唱，很多人點唱慢歌，蘇志威感意外，他們為此會再開會編排歌單。

草蜢預告演唱會有超過100分鐘跳唱環節，蘇志威提醒首次入場睇草蜢的歌迷要開始練跑練氣，做定開騷準備。蔡一傑期待跟全場觀眾玩人浪，說上次到佛山演出是9年前，台下歌迷超級熱情，人浪足足玩了五六分鐘，希望今次可以破紀錄。

娛樂組