【Emily】賀一誠話香港永遠係澳門「老大哥」 產業調整不側重旅遊博彩 盼「兄弟」共同發展

【明報專訊】澳門特首賀一誠噚日接受傳媒訪問，佢話新冠疫情反映博彩業「一業獨大」問題，舊年博彩業佔當地生產總值約四成，較高峰時回落，而因應中央要求，當地非博彩產業近年發展迅速。佢提到香港永遠都係澳門「老大哥」，「我們和香港來講，大家是兄弟般的一個情感，所以我們共同去發展」。

賀一誠話，預計澳門公共財政下年會有盈餘，政府會以實際行動擦亮當地「金名片」，「不是嘴巴去擦，也不是用手去擦」。佢話澳門過去側重旅遊業，其他範疇較弱，應中央要求調整，其中演藝、會展、體育產業均是發展方向。佢又提到，當地演藝產業發展唔錯，好多國際影星喜歡去澳門演出，但係受制於表演場地較細，將會興建一座容納5萬至8萬人嘅室內表演場地。

對於一海之隔嘅香港，賀一誠形容「香港永遠在澳門來講，都是『老大哥』，她的量比較大、人比較多，也是世界國際金融城市」。佢亦特別感謝香港一直以來對澳門嘅支持，期望雙方本着兄弟情誼，共同發展。