【Emily】23條立法專責組 獲頒「行政長官表揚榜」

【明報專訊】特首李家超噚日公布第二年嘅「行政長官表揚榜」得主，係負責《基本法》第23條立法工作嘅專責小組。李家超噚日朝早出席行政會議前見記者時話，小組針對外部勢力嘅肆意干預，迅速反駁各種抹黑同攻擊，又話佢哋堅持不懈，無畏無懼，盡心竭力，全力以赴，「係我心中嘅英雄，係特區嘅衛士」。

李家超話「我心中英雄，特區衛士」

李家超亦拍咗段短片講表揚榜得主，片中時任保安局副秘書長、現任新聞處長廖李可期形容23條立法工作係「不容有失」嘅任務，話呢次保安局、律政司及警務處係「鐵三角」，小組並肩完成呢項26年都未能做到嘅歷史工作。律政司長林定國就喺社交媒體話，專責小組喺立法工作中表現卓越，又話要特別表揚律政司嘅同事們，以豐富法律知識同紮實專業能力，為專責小組提供法律意見同建議。

香港特區救援隊獲舊年「行政長官表揚榜」，救援隊一行59人舊年年初去到土耳其地震災區協助搜救。