【Emily】李小龍攝影展 遺作菲林首公開

【明報專訊】武打巨星李小龍逝世近51年，由本地藝術展覽策劃單位Art Prince Advisory主辦嘅「李小龍：『五十年不變』攝影展」今日至下月16日於銅鑼灣金朝陽中心二期舉辦，免費入場。主辦單位話，場內有李小龍生前最後一部電影《死亡遊戲》相關展品，包括全球首度曝光嘅相片及菲林。

策展人兼Art Prince Advisory創辦人伍常希望令本地人同遊客透過一系列李小龍經典武打造型照片，緬懷佢嘅傳奇一生。參與展覽嘅富士攝影器材有限公司行政總裁孫道弘話，公司將喺50年前保存至今嘅菲林重新限量打印，務求觀眾可以透過最原汁原味同完美無瑕嘅攝影作品，近距離欣賞呢位香港一代巨星嘅英姿。展覽逢周一至周五中午12點至晚上8點開放。