【Emily】上水昨35.6℃ 跑馬地34.6℃

【明報專訊】踏入仲夏難免一出門就「大汗疊細汗」，天文台分區氣溫圖所見，噚日晏晝3點上水最高氣溫達35.6℃，係全港最高。至於港島，跑馬地最高氣溫亦達34.6℃，有小朋友就搵朋友仔製造「人工雨」效果，喺跑馬地遊樂場赤身玩水。睇番天氣預報，天文台話未來一兩日，副熱帶高壓脊會為中國東南部帶嚟普遍晴朗同酷熱天氣，周末至下周初廣東沿岸有驟雨及雷暴，預料天氣仍然炎熱。