帶童商場遊玩 家長聞案紛稱憂心「會睇實」

【明報專訊】3歲男童前日在將軍澳廣場2樓AEON附設的室內電子遊樂場附近被綁架，警方救出肉參並拘捕兩人。昨日不少家長帶同孩子到該遊樂場遊玩，多名家長均稱對事件感擔心，會看緊孩子，並教育他們切勿走開。

葉女士昨午帶同3歲兒子到上址遊玩，她說「冇得唔驚，自己睇實個小朋友」，若有人要擄走小童，「你點捉住佢，佢都可以扯走你」。她說平日多帶小朋友到遊樂中心玩耍，事發後亦不會減少帶小朋友出外遊玩，「你唔通因為一件事情唔出街咩」。她說自己會教育小朋友不要到處亂跑，會看得更緊，「多啲留意隔籬嘅人」。

呂太與5歲孫女昨到遊樂場，她說「係驚㗎，要睇實細路哥」。她稱孫女乖巧，「唔會亂咁走」。對於香港商場發生擄人事件，她稱自己居港逾40年，一直覺得香港治安良好，認為同類案件內地較多發生，慨嘆「香港以前都唔會咁，點解會變成咁」。

另一家長鍾女士表示與孫兒居於附近，平日不多到該遊樂場遊玩，獲悉事件後都「驚緊」，又稱孫兒個性活潑，平日會「周圍走」，日後會教育小朋友不要到處跑，「有乜嘢都睇住佢先」。