【Emily】人均2.29升 港人2022年飲酒量跌

【明報專訊】唔少人都鍾意「飲番杯」，不過按政府數據，前年香港人嘅人均飲酒量為2.29升，較2020年嘅2.45升下跌約6.5%，並引述世衛報告話相信同新冠疫情有關；而港人嘅人均飲酒量喺西太平洋地區亦屬較低水平。

世衛報告話料因疫情

報告以2020年人均飲酒量比較，澳洲、韓國和日本嘅人均飲酒量都較香港高，分別為9.7升、7.4升和6.1升；新加坡同馬來西亞則低於香港，分別為1.8升和0.7升。

醫衛局長盧寵茂噚日書面答覆法律界議員林新強，提到本港同全球各地一樣，有愈來愈多人患非傳染病，原因包括有害使用酒精。衛生署話2007年至前年，每年介乎2000至2600人次因與酒精有關嘅疾病或損傷而住院，包括酒精性肝病及意外酒精中毒等。