湯文亮：樓市的壓力來自銀行

【明報專訊】近日有幾場應酬，不少人問我銀行點解仲未解封，借錢畀人買樓，我認為要等多一陣，當銀行解決被call loan客戶問題，銀行就會開始借錢畀人買樓。最近有不少富豪要將他們家族的珍貴物業出售，例如山頂幾間屋，代表被call loan的客戶要賣樓解決問題，當這批客戶賣樓之後，銀行的生意減少，當中包括金融產品類別，銀行就會做生意，急都急唔嚟，大家靜心等待。有一個結果是可以肯定，就是銀行不會永遠不做生意，唔借錢畀人，只識高息搶客，不如改名做接受存款公司好過。