【Emily】陳茂波勉DSE生：成績不能斷定未來

【明報專訊】後日（17日）就係中學文憑試（DSE）放榜日，財政司長陳茂波噚日喺網誌勉勵應屆考生，「公開考試的成績即使總結了過去的努力，卻肯定不能斷定同學的未來」，寄語同學從成敗得失中磨練出積極堅毅嘅人生態度，相信將會終生受用。

陳茂波話，DSE成績代表考生多年努力學習與為考試拼搏嘅成果，放榜後要選擇學科、為前途預備，心情難免忐忑緊張。不過佢強調公開試不能主宰未來，成績再差都無阻創意與堅持，反之成績出眾亦難以突破驕傲自滿帶來嘅自我局限。

公務員事務局長楊何蓓茵亦喺facebook鼓勵考生，表示公開試成績並非人生嘅全部，即使不如預期都毋須灰心氣餒，最重要係唔好放棄，並希望各界陪伴、支持並鼓勵同學。佢又呼籲有志服務社會嘅考生提早了解政府職位，及早做好生涯規劃。