感激出道獲提攜 張敬軒視鄭秀文恩人

【明報專訊】鄭秀文（Sammi）13場紅館《You & Mi世界巡迴演唱會—香港站》前晚第3場，張敬軒擔任嘉賓。Sammi介紹軒仔出場時笑說：「我叫佢『阿仔』，但?家啲人叫佢『阿公』。」兩人合唱《笑忘書》，軒仔還輕吻Sammi手背。

Sammi對軒仔說：「多年前你擔任我演唱會嘉賓，當時叫你做軒仔，現在叫軒公，是幾何級升。」她又稱之前兩場演唱會嘉賓（Serrini與林家謙）是新一代的歌手。軒仔細細聲說：「其實我讀緊書嗰陣都有睇《大頭綠衣鬥殭屍》，?家我開騷，有時啲後輩嚟到，例如噚晚嗰個後輩歌手（林家謙），佢話9歲聽我首《酷愛》！今晚輪到我，山水有相逢。」惹全場爆笑。軒仔又說Sammi是他的恩人，「唔多歌手會帶我呢啲新人出埠表演，但我好開心，當年我仲係新人嘅時候，Sammi帶我去馬來西亞做佢演唱會嘅表演嘉賓，我好多謝佢！」Sammi說：「其實一代一代咁樣帶出嚟，你?家都係大人，要帶新人出嚟！」前晚周勵淇、胡蓓蔚、胡定欣、黃智雯、鄭融、《九龍城寨之圍城》監製莊澄及導演邱禮濤等捧場。

娛樂場