【Emily】港澳百律師上廣州 嘗培訓「頭啖湯」

【明報專訊】約100個來自香港同澳門嘅律師噚日北上廣州，參加一連兩日嘅「粵港澳大灣區律師法律實務培訓班」。今次培訓班喺廣東省法官學院舉行，由最高人民法院同司法部主辦、廣東省高級人民法院同廣東省司法廳承辦。律政司長林定國話，約百個嘗「頭啖湯」嘅律師中，香港律師佔七成。

林定國話課程兩大特色

林定國話課程有兩大特色，一係內容全面及時，理論同實務並重，二係師資優良廣泛，講者包括嚟自最高人民法院、司法部、全國人大常委會法工委、全國律協等嘅專家同律師，佢相信港澳律師會透過今次機會同實務經驗豐富嘅講者直接交流。

佢仲話，𠵱家有超過470名港澳法律執業者取得大灣區嘅律師執業證，可以喺大灣區內9個城市辦理適用內地法律嘅部分民商事法律事務。