【Emily】賀兩周年 灣區航空推20蚊來回機票

【明報專訊】2022年7月啟航嘅大灣區航空為慶祝兩周年，推出「2週年 Mega Sale」限量優惠活動回饋客戶，話由今日開始至25日同29至31日，每日會推出一個優惠航點，市民可以用20元購買來回機票一張，每日200個名額。

如果要攞到優惠，要先追蹤大灣區航空嘅社交媒體帳戶（facebook及Instagram），並喺社交媒體上留意上晝約10點公布嘅優惠航點同優惠碼（約中午12點公布），就可以喺大灣區航空官網輸入優惠碼買機票，每人限買一張機票，名額有限先到先得。

大灣區航空話，票價唔包括相關稅項及燃油附加費，但已經包括每程7公斤手提行李額同20公斤託運行李額，滿足旅客所需，而優惠適用於今年8月18日至12月18日期間從香港出發嘅來回航班，每程停留日數最多7天。