湯文亮：唔係學霸 唔會做暑期工

【明報專訊】7月初，人力資源部新同事話今年仲未有暑期工，我話未有咁早，放咗榜之後，一定會有很多父母替他們的子女搵暑期工，那些唔做暑期工的畢業生就會參加遊學團，這是香港特色。暑期返工的學生並不是攞經驗，更加不是搵錢，而是show quali，唔係「學霸」都唔去做暑期工，公司近10年所收的暑期工，成績表想搵個B睇吓都難，科科都係A，如果唔去做暑期工如「富貴不還鄉，如錦衣夜行」。