【Emily】數字政策辦公室成立 設3科別

【明報專訊】由原來嘅政府資訊科技總監辦公室（資科辦）同埋效率促進辦公室（效率辦）合併而成嘅數字政策辦公室（數字辦），噚日正式成立，仲開咗新嘅facebook專頁公布呢個消息。新成立嘅數字辦由數字政策專員同埋3個副專員帶領，將會設有3個科別，包括數字政府、數據治理、數字基建。

黃志光任數字政策專員

數字政策專員由原任政府資訊科技總監嘅黃志光擔任，副數字政策專員（數字政府）由前效率促進專員蘇貝茜擔任。其餘兩個副專員亦分別喺前資科辦同前效率辦調任，由黃敬文擔任副數字政策專員（數字基建）、麥之駒擔任副數字政策專員（數據治理）。

數字辦嘅「數字政府」科別會負責推動各局／部門應用先進資訊科技，喺公共服務推陳出新；至於「數據治理」科別，就會透過數據治理政策，促進數據開放共享同分析應用；而「數字基建」科別就負責加強數字基建及安全，推動產業發展，同時深化與內地資訊科技方面嘅合作，包括便利跨境數據流動、「跨境通辦」政務服務等。