【明報專訊】中環中銀大廈地下大堂最近展出《清明上河圖》Lego立體版嘅部分情景，參觀唔使預約，全個情景模型長26米、闊1.78米，用咗200萬粒Lego砌成，今次展出部分已完成嘅情景，包括「城樓」、「孫羊正店」、「旅館」等北宋汴京嘅繁華景象，其中「城樓」嘅單檐五脊殿、柱頭鋪作都由Lego呈現出嚟。今次作品主要由樂高專業認證大師洪子健（中）負責，今屆文憑試「超級狀元」鍾柏綸（右）同廖俊翔（左）都會參與，目標係破世界紀錄。展覽期至8月25日，開放時間係周一至周五朝9晚7，周六就由朝早9點至下晝1點。
