【Emily】聘AO EO 綜合試8‧9截止報名

【明報專訊】政府噚日公布，9月將展開新一輪政務主任（AO）、二級行政主任（EO II）、二級助理貿易主任同二級運輸主任招聘，提醒申請者必須具備有效嘅綜合招聘考試同埋《基本法及香港國安法》測試成‍績，先符合入職條件，兩項考試嘅截止報名日期係8月9日下午5時。香港暫定喺10月5日舉行考試；另有7個暫定城市會喺12月7日舉行。

政府建議仲未具備上述所需成績但有意應徵嘅人，透過公務員事務局網頁嘅網上申請系統報考。讀緊大學學士學位或同等學歷，以及將喺明年或2026年畢業嘅學生，亦可以申請上述職位或報考相關測試。

除咗喺香港考試，綜合招聘考試同《基本法及香港國安法》測試亦暫定12月7日喺北京、上海、倫敦、紐約、多倫多、溫哥華、悉尼共7個城市舉行，報名時間稍後公布。