【Emily】「頂尖運動員入學計劃」 港大醫學院特別取錄一人

【明報專訊】港大醫學院噚日宣布，今年取錄咗24名經「學校推薦直接錄取計劃 」嘅應屆文憑試學生，包括港青壁球運動員、拔萃男書院學生李天行，佢中四時曾代表香港出戰亞洲青少年錦標賽，今年就去美國參加世界青少年錦標賽，而佢話醫學係兼顧助人和學習興趣嘅理想選擇。

港大醫學院同時首次透過「港大頂尖運動員入學計劃」，特別取錄一名成績優異嘅運動精英，校方暫時對呢名運動員嘅身分仍保持神秘，Emily聽聞好快會揭曉。

呢25名新生會喺今年9月入讀內外全科醫學士（MBBS）課程。港大醫學院院長劉澤星話，培育一名優秀醫生，就好似運動員經過無間斷嘅刻苦訓練，培養出強大嘅心理質素，沉着應對每個挑戰。佢希望各醫科生一如奧運健兒咁，喺醫學道路上追求卓越。