【明報專訊】政府近年推動家族辦公室業務，香港家族辦公室協會亦招募大專生做實習，佢哋會去唔同嘅家族辦公室體驗。呢項「2024家族辦公室實習計劃」收到超過500個大學生申請，協會提供共30個名額，分別會去15間家族辦公室工作。
500人申請爭崩頭
財經事務及庫務局副局長陳浩濂噚日就同呢班實習生交流，講解金融業、Web3、綠色金融等發展。佢話實習生喺兩個月嘅工作期間，要幫手做市場研究、撰寫報告及出席業務會議，亦會參加唔同嘅體驗活動，包括研討會、參觀家族辦公室、互動交流工作坊等。
陳浩濂話相信呢啲經驗能夠加深同學對行業嘅認識，有助佢哋裝備自己，將來投身金融行業。
