【Emily】工聯辦愛國電影巡映 頭炮播《飛天》

【明報專訊】今年係國慶75周年，工聯會噚日舉行「工聯心‧家國情」愛國電影巡映啟動禮，同時慶祝工人俱樂部成立60周年，工聯會會長吳秋北、理事長黃國、中電企業發展總裁莊偉茵、港區全國人代林至穎等出席，同逾200名市民一齊睇戲。

啟動禮上播映嘅電影《飛天》，係講述中國第一代太空人張天聰喺選拔失利，面對壓力未有退出太空人行列，堅持20多年後終圓航天夢。吳秋北話，電影巡映將播放40場國產電影，期望活動能讓愛國電影走入社區和校園，提升市民尤其青少年嘅國家認同感及民族自豪感。