【明報專訊】好多政黨、議員都要煩惱開設辦事處嘅問題，既要位置方便亦要租金相宜，新民黨東涌團隊就採用流動服務車（圖），代替固定嘅地區辦事處，主席葉劉淑儀日前喺東涌出席活動時亦順道睇吓流動服務車運作，車身印有葉太同立法會議員陳家珮嘅大頭相，亦大大隻字寫住「新民黨」，非常搶眼。葉太話流動服務車勝在靈活度高，可以隨時更主動接觸街坊。
現時葉太喺東涌逸東二邨設有辦事處，不過東涌咁大，加上葉太提到東涌舖位短缺亦租金高昂，要搵理想地點開辦事處唔容易，所以諗到用流動服務車，每日去東涌唔同地點接觸市民，提供唔同服務，最新服務就係協助一眾非華裔香港居民申請「港澳居民來往內地通行證（非中國籍）」。
