【Emily】坪洲四日中元建醮 「大士王」化灰作結

【明報專訊】相傳有逾70年歷史嘅坪洲「中元建醮」噚晚喺紙紮「大士王」化作灰燼下完結。坪洲中元建醮總理館協理陳先生話，坪洲中元建醮源於一場瘟疫，好多鄉民染疫死去，父老鄉親向天后祈禱並獲指引，要喺農曆七月十五日舉行祭祀儀式，超渡亡靈、送走鬼王，方可保一方平安。

坪洲居民話，一連四日嘅中元建醮，首日（農曆七月十二）為開壇請神，街坊會共同迎接「大士王」並搬至天后宮前，傍晚時分喃嘸先生到場誦經；翌日喃嘸先生到坪洲各處誦經；第三日晚會有盛大嘅「恭迎聖駕」儀式，街坊會於儀式結束後上前「搶走」祭祀用品，「寓意快高長大、身體健康」；第四日「正日」，驅趕邪靈嘅「走龍船」、放生動物嘅「放水陸」、搶奪代表吉祥祭品嘅「擁嘢（搶孤）」、耗時幾個月紮成嘅「大士王」被投入火堆，中元建醮喺「化大士」燃起嘅火光中結束。