【Emily】籲官方民間慶祝活動 梁振英：國慶喝國產酒

【明報專訊】啱啱70歲嘅全國政協副主席梁振英，噚日又有新建議畀政府及愛國團體。近年有推廣國產酒嘅佢話「國慶喝國產酒」，「呼籲所有官方和民間慶祝活動，除非不喝酒，否則必須喝國產酒」，佢話國產酒質量愈來愈高，而且價格豐儉由人，「國慶不喝國產酒，無法交代，不能解釋」。梁振英喺facebook作呢項呼籲，即有全國人大代表及立法會議員畀「like」。

基金會擬助發展中國家濾水

梁振英日前談生日感言，話目前四成時間喺內地、四成時間喺國外，其中公務包括由佢創辦嘅共享基金會嘅工作。佢噚日於商台《政好星期天》節目中話，基金會喺5個發展中國家為1.5萬名病人消除白內障，佢話基金會會出錢請內地醫護到當地為病人做手術，「我哋組織內地嘅、由我哋支付費用，醫護人員到當地做，使佢哋（病人）復明嘅一剎那，重見光明、重拾視力時候，第一眼見到嘅係中國人、第一個交談嘅亦都係中國人」。

梁振英又話，基金會最新計劃，係去發展中國家展開利用納米技術過濾水源嘅服務。