娛樂
不羨慕張繼聰有仔女好溫馨 黃宗澤:無想過做老竇
![](https://news.mainpao.com/wp-content/uploads/2024/08/20240820210233-66c50469681ee.jpg)
【明報專訊】黃宗澤(Bosco)、張繼聰、周勵淇及陶大宇前晚到荃灣出席電影《紮職3》首映禮,楊受成夫婦率領大班英皇藝人前來撐場。Bosco指片中拍檔陳家樂正於馬來西亞工作掙奶粉錢,稍後會到當地跟對方會合宣傳。
張繼聰與Bosco齊聲表示不擔心該片列為三級影響成績,張繼聰說:「我覺得有少少暴力,亦有少少粗言穢語才可以呈現效果,會好睇啲,打架唔見血成何體統!不過我拍戲才暴力,平時見到血會暈。」他表示兒子張瞻在網上平台看完上集後,表示不想再睇,稱要睇爸爸死很難接受,「個女仲誇張,見到我畀人恰就爆喊,呢個又冧喎!」Bosco笑稱媽媽見到他死會拍手,高呼衰仔死得好。想不想如張繼聰般,有仔女好溫馨?他說:「呢啲唔好搞我!無咁嘅需求,無想過做老竇。阿媽應該唔想抱孫,唔好阻住佢玩。」
周勵淇自嘲年紀大 拍打戲驚受傷
同是本月生日的周勵淇與陶大宇慨嘆沒對手戲,後者稱演反派十分過癮,但因今集才加入,有點壓力,希望表現不失禮。周勵淇稱沒任何準備下,導演要求加一場打戲,「差點應付不到,因當時凌晨好眼瞓,其實我對打不是很抗拒,但不要即興,現在年紀不小,不似後生時柔軟度高,萬一扭親要時間康復」。她稱有舊患,現在與Bosco的話題都是圍繞風濕痛症。
記者:林祖傑
攝影:劉永銳
■更多娛樂猛料 ﹕ol.mingpao.com
繼續閱讀
![](https://mainpao.com/wp-content/uploads/2024/09/viagre.page_.jpg)