【Emily】亞洲最大藝展下周三開 維園藝穗會雕塑免費睇

【明報專訊】亞洲最大規模藝展、首度引入香港嘅「ART021 HONG KONG 香港廿一當代藝術博覽會」下周三（28日）開鑼，一連12日。藝術品嚟自內地同「一帶一路」共13個國家及地區近90間畫廊，活動包括西九文化區富藝斯亞洲總部嘅主畫廊單元、中環藝穗會嘅「藝拓現場」等，更會喺維園中央草坪同藝穗會免費展出10件雕塑作品，仲邀請到藝術家Michael Lau做數碼大使，同埋演員吳彥祖做藝術及文化推廣大使。

ART021喺內地有超過10年歷史。ART021藝術集團聯合創始人周大為話希望展會可以喺香港落地生根，利用香港優勢打通內地同一帶一路國家嘅藝術市場。ART021亦會成立公司，準備長遠喺香港發展，打通內地同亞洲及全球嘅藝術市場。

今次活動獲政府文化藝術盛事基金支持，政府僅提供撥款資助，並無參與其中。

各項展覽詳情可瀏覽https://www.art021.org/