【Emily】康署「活力奧運觀賞站」播殘奧

【明報專訊】巴黎奧運結束，巴黎殘疾人奧林匹克運動會將喺香港時間8月29日凌晨揭幕，大家可以繼續支持香港健兒。香港電台話殘奧會舉行期間，電視36台會每日24小時無間斷播送殘奧賽事，而32及31台就會分別推出《巴黎殘奧直擊》及《巴黎殘奧速遞》，每日直播賽事及重溫焦點精華，其中《巴黎殘奧直擊》會每日下午至凌晨直擊唔少於11小時賽事，緊貼國家隊及港隊戰况。

港台無間斷播賽事

另外，康文署亦會喺29日起開放轄下18區指定體育館嘅「活力奧運觀賞站」畀市民觀賽，直至殘奧會結束，開放時間為每日朝8晚11。康文署專題網頁「寓樂頻道」亦會上載一系列運動入門知識影片，介紹硬地滾球、殘疾人羽毛球、智障人乒乓球、聾人／聽障籃球及跆拳道，畀大眾多啲認識比賽項目。