【Emily】天秀路泳池遊樂場啟用 設6米滑梯

【明報專訊】康文署轄下嘅天水圍天秀路游泳池同遊樂場今日起開放，分別提供區內首個按摩池，同埋巨型滑梯及同攀石牆。泳池喺天秀路20號，隔離就係香港濕地公園，室外設施包括一個50米乘25米主池，同埋一個25米乘15米訓練池，主池側邊有700個座位嘅觀眾席；室內則設有一個25米乘25米訓練池同按摩池，均有暖水供應，畀居民可以全天候享受游水樂趣。

喺泳池旁邊嘅天秀路遊樂場以繽紛歷險之旅做主題，設有6米高巨型滑梯同3米高攀石牆，仲有鞦韆、攀爬繩網、戶外健身器材，同埋可供輪椅使用者享用嘅氹氹轉等。

泳池有按摩池 天水圍首個

想去天秀路游泳池或者遊樂場，可以坐輕鐵去天秀站或濕地公園站，再行多5分鐘左右。康文署提醒，泳池個別設施開放時間會有唔同，市民可以查閱康文署網頁。