【Emily】《燕食記》奪紅樓夢獎 借飲食述世味

【明報專訊】浸會大學公布新一屆「紅樓夢獎：世界華文長篇小說獎」得獎名單，首獎由中國語言文學系教授兼廣州市作家協會副主席葛亮嘅小說《燕食記》奪得。

《燕食記》嘅故事由1920年講起，橫跨100年、社會不同階層三代人物嘅故事，主線寫兩個師徒名廚嘅一生及兩人之間嘅故事，當中有粵港兩地飲食文化等元素。決審委員會主席兼浸大榮休教授鍾玲話，小說倒敘嘅結構嚴謹，情節呼應交錯，故事寫及人物間嘅關係外，同時再現粵港兩地百年來嘅食肆風光，天衣無縫地融入情節。

決審委員會委員、文學評論家顏純鈎話，呢本書有如古代嘅傳奇小說，寫飲食係「表」，寫歷史與文化係「裡」，讚葛亮善於講故事，人物設計別出心裁。

另獲得決審團獎嘅作品分別係顧玉玲嘅《餘地》及林白嘅《北流》，「專家推薦獎」由閻連科嘅《聊齋本紀》、鍾文音嘅《木淚》和喬葉嘅《寶水》獲得。