【Emily】專資會施政建議 提防止加深近視

【明報專訊】《施政報告》下月發表，香港專業及資深行政人員協會（專資會）提交建議書，關注唔少市民患有近視。專資會話深度數近視可能會引致失明，倡議政府加大力度「推出控制或防止加深近視的措施」。

倡吉舖租青年扭「躺平」

除咗健康問題，專資會提出協助青年創業嘅措施。佢哋認為，部分青年心存「躺平」心態，寧願減薪申請公屋等上樓，故要鼓勵青年創業，包括推動公營機構同私營企業向青年出租吉舖，有關公司可同時向租舖嘅青年供應貨品，由雙方分享利潤。

經濟方面，專資會希望政府加強向美國、西歐、東南亞同中東國家宣傳「一國兩制」優勢，吸引各地人才。

佢哋又建議加快發展低空經濟，成立政府跨部門工作小組同粵港兩地嘅跨境工作小組，檢視並制訂相關法律同規定「拆牆鬆綁」，並要興建更多低空經濟基建設施。