【Emily】領台灣書獎 梁莉姿感觸落淚

【明報社評】香港作家梁莉姿及廖偉棠各有一本作品早前喺香港書展被下架，但二人另有書籍上月獲台灣第48屆金鼎獎嘉許，主辦單位噚日就舉行頒獎禮。梁莉姿領獎後一度難忍情緒落淚，感慨「願世界上所有人都能保留免於恐懼的創作自由，這應該是所有人所享有的權利」。

梁莉姿憑《樹的憂鬱》獲圖書類文學圖書獎，廖偉棠亦以《劫後書》獲同一獎項。梁莉姿話《樹的憂鬱》談香港同台灣兩地，係一本叩問之書，裝滿佢對身分、地緣政治、寫作知識嘅盼望同辨證。廖偉棠就透過編輯話，希望作品能帶畀台灣同香港孤獨嘅人一個擁抱。

今屆金鼎獎共33項作品獲嘉許，大會邀請到日本著名作家湊佳苗同詩人向陽做頒獎嘉賓。

今年暑假喺會展舉行嘅香港書展，多部作品疑因「敏感」，書商被要求下架，包括梁莉姿《日常運動》同廖偉棠《末日練習》，前者觸及2019年反修例事件。