【明報專訊】建造業人手不足，除咗輸入外勞，亦要加緊培訓本地工人，為吸引更多人入行，香港建造學院最近不時用漫畫宣傳。Emily噚日發現，學院有一幅印有「建造學院 英雄集結」同「新手入行必要知！入地盤要有三寶！」嘅宣傳圖片（圖），入面手持3張卡嘅工人右手有6隻手指，而圖片同日已喺社交媒體下架。
建造業議會回覆話，學院之前喺社交媒體上載有關新手入行資訊嘅圖片，及後發現「圖片有異」，已經下架。
翻查學院嘅facebook專頁，亦可以見到類似嘅漫畫圖片，好似上月中學院推出「建造學院 英雄集結」嘅遊戲，將課程內容、行業資訊同職業特性以遊戲形式呈現。
