【Emily】廠商會慶90年 年底推「碳抵消」平台

【明報專訊】廠商會今年成立90周年，噚晚舉行誌慶晚宴。會長盧金榮話廠商會今年底會推出綠色平台，畀業界及公眾透過「碳積分」進行「碳抵消」，係首個本港商會推出同類平台。佢話本港推動經濟轉型唔容易，廠商會會繼續竭盡所能協助業界與時並進。

廠商會噚晚舉行國慶75周年暨成立90周年誌慶晚宴，特首李家超、中聯辦主任鄭雁雄、前特首林鄭月娥等出席擔任主禮嘉賓。

盧金榮致辭時話，改革係國家對香港嘅殷切期望，本港必須改變傳統經濟模式，發展「港版新質生產力」，廠商會將為業界提供實際支持，包括成為首個推出「碳抵消」平台嘅本港商會。佢又話，廠商會旗下「CMA檢定中心」已經同多個內地省市成為策略伙伴，為內地農產品、食品、紅白酒以「香港標準」標籤出口外地。

李家超致辭時就話，本港工商界應該認真學習同秉持中共二十屆三中全會精神，加快產業模式與企業組織升級轉型。佢認為只要工商界團結，有信心成功發展「新質生產力」。