【Emily】田二少屯門送禮 街坊乘機「陳情」嘆市道差

【明報專訊】中秋節前夕唔少議員落區搞活動，實政圓桌田北辰就坐住佢部流動議員辦事處貨車，喺屯門及元朗派禮物畀小朋友。田二少話，有街坊見到佢乘機陳情，其中一名住喺屯門置樂花園幾十年嘅老街坊話從來未見過屋苑有咁多「吉舖」，問佢點解政府兩蚊搭車優惠，會資助長者搭車過關去內地消費，話屯門啲生意愈嚟愈差。佢又話有街坊聽到都附和，認為應該65歲以上長者先可享兩蚊搭車；佢話大家有好多意見，希望大家講畀佢聽，等佢同政府反映。

民建聯顏汶羽亦話噚日連跑多場社區活動，日頭去東方之珠獅子會及愉民坊會舉行嘅中秋嘉年華，晚上去彩雲南關愛隊嘅中秋嘉年華。圖為田北辰（前左）掛住一個兔仔月餅造型公仔喺心口，同小朋友玩猜謎語。