Emily Online︳議員街坊參與慈善活動挑戰射籃　主辦單位派「福袋」鼓勵運動 (17:44)

由凝動香港體育基金主辦嘅「《港納百邨》全城投籃挑戰」噚日（15日）喺將軍澳明德籃球場舉行，新民黨立法會議員何敬康、西貢民政事務助理專員林苡晴，連同超過200個青少年同街坊，喺5個鐘之內合共射咗990個入球，基金將會向參加者同多區基層市民派發990個「運動包」，入面有拉力帶、反應球、軟水樽同手提風扇，希望鼓勵青少年同市民勤力做運動，建立健康嘅生活模式。

活動現場仲有一系列新興運動，包括躲避盤、布袋球同Fit Square體適能挑戰，畀公眾參與免費運動體驗。