【Emily】續驗日水產 政府：有異常或收緊

【明報專訊】中日兩國上周五（20日）公布就福島核污水爭議達成共識，喺符合中方有份監測嘅條件下，內地會逐步放寬日本水產進口。睇番香港，特區政府先前話要索取資料同再評估，而政府就繼續檢測日本進口水產，噚日新聞稿用番原來格式公布檢測結果，包括話「若發現異常情况，不排除進一步收緊禁止進口的範圍」。

根據政府新聞稿，同過去公布進口日本水產檢測結果嘅格式幾乎一樣，只係更新咗日期同樣本數量等數字。由2023年8月24日起計到噚日中午，食安中心同漁護署分別檢測共86,182個日本進口食物樣本，同埋19,706個本地漁產品樣本嘅輻射水平，全部合格。

當局重申，「由於日本核污水排放安排前所未見，而且會持續30年或以上，政府當局會密切監察和加強檢測，若發現異常情况，不排除進一步收緊禁止進口的範圍」。