【Emily】俄賀與華建交75年 丘應樺切蛋糕

【明報專訊】今年除咗係75周年國慶，亦係中俄建交75周年。俄羅斯駐港總領事館前日舉辦切蛋糕儀式慶祝呢個日子，同場仲有中國外交部駐港特派員崔建春、商經局長丘應樺、禮賓處副處長李潔瑩出席。

俄國總領事阿納托利（Anatoly Kargapolov）致辭時話，中俄關係正處於歷史上最強嘅時間，而且兩國合作見於區域層面，例如今年已經係俄羅斯駐港總領事館30周年。佢提到俄羅斯同香港建立咗合作嘅穩定基礎，包括經貿聯繫、俄羅斯國民免簽入境香港、莫斯科同香港直航。佢又話，俄羅斯公司近年多咗參加喺香港舉辦嘅國際展覽同金融論壇。

活動仲有其他領事、商界、學者、傳媒同在港俄羅斯人出席，館方形容活動溫馨友善，正好反映雙邊對話同各方面嘅合作。