【Emily】共享基金會赴老撾災區 助防登革熱爆發

【明報專訊】老撾近月經歷多次嚴重風暴，暴雨及洪水影響多個省份及社區，超過25萬人受災。香港共享基金會上周派人去老撾北部琅南塔省村落做災後評估，檢視登革熱爆發嘅潛在風險。

世衛災害健康風險管理專家陳英凝話，今次水災唔止損毁基礎設施，水退後登革熱等蟲媒疾病爆發風險亦增加。基金會話琅南塔衛生所被洪水淹沒，設備及藥物全部損毁，衛生所負責人話設施要成個月時間重建，區內有2.4萬人需要服務，而該所係省內接收最多登革熱病人嘅地方，今年已錄得超過850個登革熱病例。

基金會已向村民及醫療機構派發滅蚊燈及蒼蠅紙，又派發登革熱快速檢測劑，並考慮緊協助重建衛生所實驗室，同埋捐贈預防登革熱物資。團隊亦會去琅勃拉邦及首都萬象了解當地水災後情况。