CLS再推「盲盒旅行團」 6日收1.08萬起

【明報專訊】去旅行都要搞驚喜，主打「話題式旅遊」嘅 CLS Holidays 再推出第二團「盲盒旅行團」，除咗目的地，今次連航空公司都保持神秘。公司話，只會喺出發前兩至三日向參加者發送「執衫清單」，以保證團友外遊時唔會「著錯衫」。

早前CLS Holidays已推出首個「盲盒旅行團」，每位團費4888元，即可享受馬爾代夫的陽光與海灘，更有歌手周國賢同埋幾位旅遊達人同團。

至於今次暫時只係公布第二團盲盒旅行團旅遊日期喺12月26日至31日，人數上限20人，6日團每位索價10,888元起（大小同價），包來回機票、3至4星酒店住宿、早晚餐餐飲（午餐自己埋單），有導遊、觀光行程、自由活動時間。如單人報名就需補1220元差價升級至單人房，或等待同性同房，但不保證，小琴不禁倒抽一口涼氣。要留意嘅係，今次團費唔包括稅項，成團後要交大約2600元稅；亦唔包括保險，客人出發前最好就自己購份全球保，或者由旅行團代買。

[小琴密語]