【Emily】警員佐級會慶47周年 林志偉預告就快退休

【明報專訊】警察隊員佐級協會噚日舉行47周年會慶酒會，主席林志偉透露，包括自己在內，唔少執委同代表最快今屆末或下屆退休。佢引用唐代詩人劉禹錫詩句「芳林新葉催陳葉，流水前波讓後波」，以大自然規律聯想起世代交替，認為協會有薪火相傳、承先啟後嘅角色。

林志偉話協會成立咗小組探討新制同事福利，將向公務員事務局同管理層反映，喺下次職系架構檢討前提交。佢話警隊正面對招募同挽留人手困難，內部調配唔能夠解決前線人手極度不足同流失，建議政府審視警隊服務條件係咪足以吸納或挽留人手，同埋招聘競爭力係咪足夠，否則警隊士氣出問題，會影響服務市民同維持治安嘅效率。

同場嘅警務處長蕭澤頤話，今年6月起職員關係課開始蒐集警區報告，掌握前線意見；另已指示人事部探討更有效內部溝通平台，以做到「上情下達、下情上通」。