【明報專訊】今屆立法會任期過咗大半，仍有議員新開設議員辦事處。選委界別陳紹雄同九龍西梁文廣噚日喺深水埗富昌邨開聯合辦事處，唔少同事及官員出席開幕禮。房屋局長何永賢形容，兩名議員都係「實力」與「偶像」兼備，又話深水埗區齊集整個房屋階梯，由劏房、過渡房屋、公屋、居屋至私樓都有，話議員做好政府與民間嘅橋樑角色，幫助政府推動房策。
議員梁美芬、林筱魯、蘇長荣、江玉歡、尚海龍、林素蔚及張欣宇等一齊趁熱鬧、食燒豬。喺深水埗服務15年嘅梁文廣就話，見證社區愈來愈熱鬧，話可以同陳紹雄開聯合議辦好感恩，期望陳可以將佢嘅專業力量及知識帶入社區。
