【Emily】海洋公園歷險主題區 信德探險旅遊公司營運

【明報專訊】海洋公園新園區有新進展。園方噚晚公布，2021年提出興建嘅歷險主題區，會交予信德集團同探險旅遊公司AJ Hackett International集團所合組嘅財團建設同營運，但就大賣關子，無透露有咩玩，話後日（24日）會公布更多園區願景和藍圖細節。

後日公布願景藍圖

新園區位於山上高峰樂園部分臨海山嶺地段，計劃興建歷險主題遊樂設施。信德同AJ Hackett早於2002年就合作喺澳門旅遊塔引入「空中漫步」及「百步登天」高空冒險項目；創辦人AJ Hackett更被稱為「笨豬跳之父」，集團旗艦品牌以一系列挑戰重力活動而聞名，一向走刺激路線。

海洋公園公司主席龐建貽話，好高興同信德及AJ Hackett 合作，為市民及遊客帶來嶄新嘅戶外娛樂體驗。佢提到，新園區不止會提供融合自然美景和大自然元素嘅歷險主題遊樂設施，仲會結合教育和可持續發展嘅實踐，畀訪客體會大自然與發展嘅平衡。