【Emily】大角嘴廟會11‧3舉行 500呎夜光龍登場

【明報專訊】今年嘅「大角嘴廟會」11月3日（周日）喺大角嘴福全街舉行。當晚約8點45分，全港最長、五光十色嘅500呎LED夜光龍同國家級非物質文化遺產「沙頭角魚燈舞」會壓軸出場，穿梭喺熄晒燈嘅街道，希望吸引一家大細同旅客近距離觀賞打卡。

廟會將喺當日上晝10點揭幕。今屆預計會有27隊共近千人參與巡遊，巡遊期間會有醒獅、舞龍、跳舞等，又會著晒民族衫。除此之外，當日亦會有過千人嘅大型盆菜宴，各界人士連同外地遊客可以喺街邊一齊起筷食盆菜，而福全街兩邊會有50幾個攤位賣創意特色產品、懷舊小食、古老玩具等。

大角嘴廟會由旺角街坊會同油尖旺民政事務處舉辦，由2005年起，至今第17屆，詳情可留意大會網頁。