【Emily】故宮館再派學生飛

【明報專訊】香港故宮文化博物館將喺11月23日至24日再度舉辦學生免費入場日，今次會提供4000張門票，今日中午起喺預約平台Cityline開放登記，先到先得，額滿即止，每人最多可獲4張。成功登記嘅本港全日制中小學生可憑門票參觀博物館全部專題展覽（展廳1至7）及中國銀行（香港）呈獻：「中華文明溯源」特別展覽（展廳8），但記住要帶學生證到場。

故宮館9月同10月亦舉辦過首輪學生免費入場日，派咗8000張飛，活動獲黃廷方慈善基金與大灣區共同家園青年公益基金共同贊助。