【Emily】「參與」禽流感演習 活雞「撩頭」採樣

【明報專訊】衛生防護中心噚日聯同相關部門舉行公共衛生演習，提升處理人類感染禽流感個案時嘅應變同協調能力，除咗派人參與，仲搵咗一批活雞參與𠻹！相信大家喺新冠疫情期間經常檢測，身穿保護衣嘅漁護署人員今次就用採樣棒為「參演」嘅活雞做取樣示範（圖）。

演習喺長沙灣臨時家禽批發市場舉行，約30名嚟自4個政府部門嘅人員參與，模擬一名街市雞販感染甲型禽流感病毒，衛生防護中心接獲通報後協調相關部門到患者住所、工作嘅街市、家禽批發市場同相關養雞場調查同執行控制措施。

（政府新聞處）