【Emily】啟德主館首試賽 大專鬥欖球

【明報專訊】啟德體育園明年首季開幕，近月園內各場館陸續舉辦測試賽同演練，其中最多容納5萬人嘅主場館，終於迎來第一項測試活動，下月5日（星期日）會舉行有多間大專院校欖球隊參賽嘅USFHK Tertiary Rugby Sevens。

主辦機構曾提及，屆時料約1萬人入場。大會話當日上晝10點係公眾入場時間，11點賽事開始，料約下晝4點賽事戲肉展開。當日如果由港鐵宋皇臺站D出口出發，有機會見到白色有蓋天橋（即西橋），到時沿西橋向前行，可直達啟德主場館。